Gemsitabin

• mədəaltı vəzi xərçəngi (təklikdə və ya digər preparatlarla birlikdə);
• qeyri-kiçik hüceyrəli ağciyər xərçəngi (platin preparatları ilə birlikdə);
• sidik kisəsi xərçəngi;
• süd vəzi xərçəngi (paklitakselə birlikdə);
• yumurtalıq xərçəngi (karboplatinlə birlikdə);
• öd yollarının xərçəngi — onkoloji konsiliumun qərarı ilə.

Gemsitabin hüceyrə daxilində aktiv fosforlaşmış formalara çevrilir. Bu metabolitlər DNT zəncirinə daxil olur, onun uzanmasını dayandırır və eyni zamanda DNT sintezi üçün lazım olan ribonukleotid reduktaza fermentini bloklayır. Nəticədə şiş hüceyrəsi bölünə bilmir və məhv olur.

• gemsitabinə qarşı yüksək həssaslıq;
• sümük iliyi funksiyasının ağır pozulması;
• hamiləlik və laktasiya.

• miyelosupressiya: neytropeniya, trombositopeniya, anemiya;
• ürəkbulanma, qusma;
• qripəbənzər simptomlar: hərarət, baş ağrısı, əzələ ağrıları, halsızlıq;
• periferik ödemlər, dəri səpgisi;
• qaraciyər fermentlərinin artması, sidikdə zülal və qan;
• nadir hallarda — ağciyər toksikliyi (nəfəs darlığı), hemolitik-uremik sindrom, kapilyar sızma sindromu.

• Şüa terapiyası — eyni vaxtda və ya qısa fasilə ilə aparıldıqda ağır radiasiya zədələnmələri riski artır.
• Digər miyelosupressiv dərmanlar — qan göstəricilərinin daha dərin azalması.
• Canlı peyvəndlər — tətbiq edilmir.

Gemsitabin embriotoksik təsirə malikdir; hamiləlikdə istifadə edilmir. Müalicə dövründə və bitdikdən sonra qadınlar və kişilər həkimin göstərdiyi müddət ərzində etibarlı kontrasepsiyadan istifadə etməlidir. Əmizdirmə dayandırılır.

Uşaqlarda təhlükəsizliyi və effektivliyi müəyyən olunmayıb.