Reabilitoloq

İstənilən ciddi xəstəlik, travma və ya əməliyyat sağlamlıq üçün izsiz keçmir. Bir sıra hallarda xüsusi reabilitasiya tədbirləri olmadan sağlamlığın bərpası uzun müddət tələb edə bilər və həmişə arzu olunan nəticəyə gətirib çıxarmır.

Reabilitasiya travma, keçirilmiş xəstəlik və ya əməliyyat nəticəsində bu və ya digər funksiyaları yerinə yetirmək qabiliyyətini itirmiş pasiyentlərin bərpaedici müalicəsinə yönəlib. Reabilitasiyaya bel ağrıları, artıq çəki problemləri və s. zamanı müalicə-profilaktik proqramların tərtib edilməsi üçün pasiyentlər də müraciət edir.

Bərpanın mümkün qədər uğurlu keçməsi üçün həkimlərin kompleks köməyi lazımdır.

Reabilitasiya üçün göstərişlər

• Keçirilmiş infarktdan sonra;
• Keçirilmiş insultdan sonra;
• Bağlarda, oynaqlarda, sümük toxumalarında travma və ya əməliyyatdan sonra;
• Sinir sistemi xəstəliklərində;
• Dermatoloji problemlərdə;
• Tənəffüs yolları xəstəliklərində;
• Fiziki imkanların məhdud olduğu hallarda;
• Piylənmədə.

Reabilitasiya necə keçir

Reabilitasiya üzrə işin təxmini sxemi belədir.

İlk növbədə müalicə aparan həkim pasiyentin cari vəziyyətini qiymətləndirir və zədələnmiş orqan və sistemlərin funksiyalarının bərpası üçün real imkanları müəyyən edir.

Sonra həkim optimal və maksimum effektiv reabilitasiya üsullarını birləşdirən fərdi müalicə proqramı tərtib edir.

Bərpaedici müalicə boyunca həkim nəticələri izləyir və zərurət olduqda əldə edilmiş göstəricilər və pasiyentin vəziyyətindən asılı olaraq proqramı korreksiya edir.

MFK təlimatçıları, Fizioterapevtlər, Masaj mütəxəssisləri və digər mütəxəssislər həkim tərəfindən təyin olunan və pasiyentin sağlamlığının bərpasına yönəlmiş proseduraları bilavasitə aparır.

Kompleks tibbi reabilitasiya proqramları pasiyentlərə itirilmiş funksiyalarını qaytarmağa kömək edir. Keçirilmiş xəstəlikdən asılı olaraq biz aşağıdakı reabilitasiya proqramlarını təklif edirik.

Ortopedik reabilitasiya

Hərəkət funksiyalarının pozulmasına səbəb olan travmalardan (ətraf, onurğa sınıqları, oynaq çıxıqları, bağ cırılmaları və s.), dayaq-hərəkət sistemi orqanlarında əməliyyatlardan sonra, sümük-əzələ sistemi xəstəliklərində aparılır. Bu halda reabilitasiyanın əsas vəzifəsi oynaqların hərəkətliyini qaytarmaq, əzələləri möhkəmləndirmək, düzgün hərəkət stereotipini bərpa etməkdir. Bərpaedici müalicə kursları müxtəlif pasiyent kateqoriyaları üçün fərdi hazırlanır:

• Diz və ya çanaqfemoral oynaqların endoprotezləşdirilməsi, bağlarda əməliyyatlar, ətrafların sınıqları və ya burxulmalarından sonra;
• Oynaqların tutuqluğu, artroz, artritdən əziyyət çəkənlər üçün;
• Uzunmüddətli yataq rejimindən sonra əzələ atrofiyası olanlar üçün.

.

Nevroloji və neyrocərrahi reabilitasiya

Mərkəzi sinir sistemi xəstəlikləri, baş və ya onurğa beyni əməliyyatları keçirmiş pasiyentlər üçün lazımdır. Belə ki, reabilitasiyaya ehtiyacı olanlar:

• Insult, iflic və ya paredzdən sonrakı insanlar;
• Kəllə-beyin travması alan pasiyentlər;
• Baş beyin şişlərinin çıxarılması üzrə əməliyyat olunan pasiyentlər;
• Baş və ya onurğa beyni travması alan insanlar.

Bərpaedici müalicəyə nə qədər tez başlansa, pasiyenti tam dəyərli həyata və işə qaytarmaq şansı bir o qədər çox olar. Nevroloji xəstələrin reabilitasiyası üçün fizioterapiyanın, refleksoterapiyanın effektiv üsulları, müxtəlif masaj növləri tətbiq olunur, loqoped-afazioloq və psixoloqla məşğələlər keçirilir.

Kardioloji reabilitasiya

Ürək-damar xəstəlikləri olan və ya ürək və damarlarda cərrahi müdaxilə keçirmiş pasiyentlərə aparılır.

• Miokard infarktından sonra;
• Kəskin ürək çatışmazlığında;
• Işemik ürək xəstəliyində;
• Bəzi anadangəlmə ürək qüsurlarında;
• Kardioəməliyyatlardan sonra: aortokoronar şuntlama, stentləmə, angioplastika, ürək transplantasiyası və s.

kardioloji reabilitasiyanın əsas vəzifələri pasiyentin sağlamlığını bərpa etmək, ona fiziki fəallığı qaytarmaq, ürək-damar sisteminin işini normallaşdırmaq və təkrar ürək tutmaları və xəstəliklərin residivlərinin ehtimalını azaltmaqdır.

Tənəffüs yolları xəstəliklərindən sonra reabilitasiya

Bu, pnevmoniya və ya bronxit keçirmiş pasiyentlərin müalicəsində vacib mərhələdir. Bir qayda olaraq, tam sağalma temperaturun normallaşması və öskürəyin olmaması ilə deyil, bir neçə həftə, hətta ay sonra baş verir. Reabilitasiya zamanı bütün qalıq halları aradan qaldırmaq, tənəffüs funksiyalarını bərpa etmək, əzələləri möhkəmləndirmək vacibdir.

Əməliyyatdan sonrakı reabilitasiya

İstənilən, hətta ən sadə əməliyyatdan sonra belə zəruridir. Reabilitasiya dövrü bir neçə gündən bir neçə həftəyə qədər davam edə bilər. Plastik əməliyyatlardan sonra bərpanın əsas məqsədləri çapıqların sürətli sorulması, şişkinliyin aradan qaldırılması, toxumaların sağalmasıdır. Əməliyyatdan sonrakı reabilitasiyada müxtəlif fizioterapevtik proseduraların tətbiqi yaxşı nəticələr verir.