Osteoporoz

Osteoporozun diaqnostikasından keçdikdən sonra mütəxəssislər tədqiqatların nəticələrinə əsaslanan müalicə planı hazırlayırlar. Həm konservativ, həm də cərrahi üsullardan istifadə olunur. Konservativ müalicə sümük toxumasının dağılmasının qarşısının alınmasına, ağrı sindromunun aradan qaldırılmasına və oynaqların möhkəmləndirilməsinə yönəldilir.

Müalicə aşağıdakı istiqamətlər üzrə təyin edilir:

• Medikamentoz terapiya. Medikamentoz terapiya üçün tətbiq edilən bütün preparatlar sümük rezorbsiyasını zəiflədən preparatlara və sümük toxumasının sintezini gücləndirən anabolik preparatlara bölünür. Həmçinin medikamentoz kompleksə vitaminlər və tərkibində yüksək miqdarda kalsium olan preparatlar daxildir. Özbaşına müalicə ilə məşğul olmaq lazım deyil, zəruri preparatları yalnız mütəxəssis təyin edə bilər.
• Diyeta (analizlərə əsasən rasiona tərkibində orqanizmdə çatışmayan kalsium və digər elementlərin miqdarı artırılmış məhsullar əlavə edilir).
• Elektroforez və fizioterapiya (ağrı sindromunu aradan qaldırmaq üçün).
• Müalicəvi bədən tərbiyəsi.
• Lazer terapiyası. Prosedur güclü ağrı və hərəkət çətinliyi zamanı tətbiq edilir.
• Cərrahi müalicə. Sınıq riski yüksək olduqda və ya sınıqdan bilavasitə sonra tətbiq edilir.

Nəzərə almaq vacibdir ki, osteoporoz xəstəliyi zamanı ciddi yüklənmələri istisna etmək və sakit həyat tərzinə üstünlük vermək lazımdır.

Cərrahi müalicə sınıq riski yüksək olduqda və ya sınıqdan bilavasitə sonra tətbiq edilir. Patoloji sınıq baş verdikdə əməliyyat tövsiyə olunur. O, təkcə insanın həyat keyfiyyətini yaxşılaşdırmır, həm də daha erkən aktivləşməyə kömək edir ki, bu da öz növbəsində uzun müddət yataqda qalmaqla əlaqədar ağırlaşmaların riskini azaldır. Bu müdaxilə hətta yaşlı xəstələrdə də aparıla bilər. Müalicə üçün aşağıdakı üsullardan istifadə olunur:

• Boyun osteosintezi – sümük fraqmentlərinin fiksasiyasını təmin edən lövhələr və ya sancaqların (spitsaların) istifadə edildiyi prosedurdur, bu da onların sağalmasına kömək edərək ətrafın funksiyalarını bərpa edir.
• Endoprotezləşdirmə – oynağın tam və ya qismən əvəz edilməsini əhatə edir. Əməliyyatın nəticəsində ətrafın funksiyalarını ən azı 16-20 il müddətinə tam bərpa etmək mümkün olur.

Müdaxilədən sonra xəstələrə analgetiklər və antibiotiklər təyin edilir, həmçinin masaj, müalicəvi bədən tərbiyəsi və fizioterapiyanı əhatə edən bərpa prosedurları aparılır.

Terapevtik stasionara hospitalizasiya:

Osteoporozun stasionar müalicəsi xəstələrə daimi tibbi nəzarət altında kompleks yanaşma təmin edir ki, bu da xəstəliyin ifadəli formalarında və sınıqların olduğu hallarda xüsusilə vacibdir. Stasionar şəraitində tam müayinə aparılır: densitometriya, kalsium, D vitamini, hormonlar və digər göstəricilər üzrə qan analizləri, habelə böyrəklərin və endokrin sistemin funksiyasının qiymətləndirilməsi. Bu, sümük kütləsinin itirilmə dərəcəsini dəqiq müəyyən etməyə və xəstəliyin endokrin pozğunluqlar və ya dərmanların uzun müddət qəbulu kimi mümkün səbəblərini aşkar etməyə imkan verir. Əldə edilən məlumatlar əsasında sümük toxumasının dağılmasını yavaşladan və onun əmələ gəlməsini stimullaşdıran preparatları özündə əks etdirən fərdi müalicə sxemi hazırlanır. Terapiyanın vacib hissəsini əzələlərin möhkəmləndirilməsinə və koordinasiyanın yaxşılaşdırılmasına yönəlmiş fiziki məşqlər təşkil edir ki, bu da yıxılma və sınıq riskini azaldır. Xəstələr təhlükəsiz hərəkət etməyi, köməkçi vasitələrdən istifadəni və kalsium və vitaminlərlə zəngin diyetaya riayət etməyi öyrənirlər. Belə kompleks yanaşma xəstəliyin proqressivləşməsinin yavaşımasına, sınıqların tezliyinin azalmasına və xəstələrin həyat keyfiyyətinin yaxşılaşmasına kömək edir.